ქალს, რომელიც პოლიციის მანქანაზე ავიდა, პროკურატურამ ბრალი დაუმძიმა - რას ედავებიან თამარ ლორთქიფანიძეს?

სა­ქარ­თვე­ლოს პრო­კუ­რა­ტუ­რის ინ­ფორ­მა­ცი­ით, აქ­ტი­ვისტ თა­მარ ლორ­თქი­ფა­ნი­ძეს ძა­ლა­დო­ბის და პო­ლი­ცი­ე­ლის სატ­რან­სპორ­ტო სა­შუ­ა­ლე­ბა­ზე თავ­დას­ხმის ფაქ­ტზე წა­რედ­გი­ნა ბრა­ლი.

ის 22 ოქ­ტომ­ბერს პო­ლი­ცი­ამ და­ა­კა­ვა და რო­გორც შსს აცხა­დებ­და, ის „არ და­ე­მორ­ჩი­ლა სა­მარ­თალ­დამ­ცველ­თა კა­ნო­ნი­ერ მო­წო­დე­ბას, სა­პატ­რუ­ლო პო­ლი­ცი­ის ავ­ტო­მან­ქა­ნა­ზე ავი­და და შე­უ­რა­ცხყო­ფა მი­ა­ყე­ნა სა­მარ­თალ­დამ­ცა­ვი უწყე­ბის წარ­მო­მად­გენ­ლებს, მათ ღირ­სე­ბა­სა და მუნ­დირს, ასე­ვე სა­ზო­გა­დო­ე­ბას“.

პო­ლი­ცი­ის თა­ნახ­მად, თა­მარ ლორ­თქი­ფა­ნი­ძე და­ა­კა­ვეს სის­ხლის სა­მარ­თლის სსკ-ის 239-ე მუხ­ლით - ხუ­ლიგ­ნო­ბის ბრალ­დე­ბით.

პრო­კუ­რა­ტუ­რის გან­ცხა­დე­ბით კი ირ­კვე­ვა, რომ მას ძა­ლა­დო­ბის ბრალ­დე­ბაც წა­უ­ყე­ნებს.

უწყე­ბის ინ­ფორ­მა­ცი­ით, ში­ნა­გან საქ­მე­თა სა­მი­ნის­ტროს მიერ ჩა­ტა­რე­ბუ­ლი გა­მო­ძი­ე­ბით დად­გინ­და, რომ 2025 წლის 22 ოქ­ტომ­ბერს, სა­ღა­მოს სა­ა­თებ­ში, თბი­ლის­ში, რუს­თა­ვე­ლის გამ­ზირ­ზე, სა­ქარ­თვე­ლოს პარ­ლა­მენ­ტის მიმ­დე­ბა­რე ტე­რი­ტო­რი­ა­ზე, ბრალ­დე­ბულ­მა ტაქ­სის მძღოლს სა­ხის არე­ში და­არ­ტყა, რის შე­დე­გა­დაც და­ზა­რა­ლე­ბულ­მა და­ზი­ა­ნე­ბა მი­ი­ღო.

მა­თი­ვე ცნო­ბით, ასე­ვე ბრალ­დე­ბუ­ლი სა­ზო­გა­დო­ებ­რი­ვი წეს­რი­გის დაც­ვის დროს, თავს და­ეს­ხა შსს სა­პატ­რუ­ლო პო­ლი­ცი­ის ავ­ტო­მან­ქა­ნას, ავი­და მის სა­ხუ­რავ­ზე და ფე­ხე­ბის დარ­ტყმით გან­ზრახ და­ა­ზი­ა­ნა. ბრალ­დე­ბუ­ლის ქმე­დე­ბამ 3300 ლა­რის ოდე­ნო­ბით ზი­ა­ნი გა­მო­იწ­ვია.

"სა­მარ­თალ­დამ­ცვე­ლებ­მა ბრალ­დე­ბუ­ლი იმა­ვე დღეს და­ა­კა­ვეს. მას ბრალ­დე­ბა სა­ქარ­თვე­ლოს სის­ხლის სა­მარ­თლის კო­დექ­სის 126-ე მუხ­ლის პირ­ვე­ლი ნა­წი­ლით (ძა­ლა­დო­ბა, რა­მაც და­ზა­რა­ლე­ბუ­ლის ფი­ზი­კუ­რი ტკი­ვი­ლი გა­მო­იწ­ვია) და 353-ე პრი­მა მუხ­ლის პირ­ვე­ლი ნა­წი­ლით (პო­ლი­ცი­ე­ლის სატ­რან­სპორ­ტო სა­შუ­ა­ლე­ბა­ზე თავ­დას­ხმა, პო­ლი­ცი­ე­ლის სამ­სა­ხუ­რებ­რივ საქ­მი­ა­ნო­ბას­თან და­კავ­ში­რე­ბით) წა­რედ­გი­ნა, რაც სას­ჯე­ლის სა­ხედ და ზო­მად 4-დან 7 წლამ­დე თა­ვი­სუფ­ლე­ბის აღ­კვე­თას ით­ვა­ლის­წი­ნებს.

პრო­კუ­რა­ტუ­რა ბრალ­დე­ბუ­ლის­თვის აღ­კვე­თის ღო­ნის­ძი­ე­ბის სა­ხით პა­ტიმ­რო­ბის შე­ფარ­დე­ბის შუ­ამ­დგომ­ლო­ბით, თბი­ლი­სის სა­ქა­ლა­ქო სა­სა­მარ­თლოს კა­ნო­ნით დად­გე­ნილ ვა­და­ში მი­მარ­თავს“, - ნათ­ქვა­მია ინ­ფორ­მა­ცი­ა­ში.