საშინელ ავარიაში ერთი ოჯახის 8 წევრი დაიღუპა, მათ შორის 5 ბავშვი და ორსული დედა ტრაგედიის უმძიმესი დეტალები

აშშ-ში, ჯორჯიის შტატში, გზატკეცილზე მომხდარი ავარიის შედეგად ოჯახის რვა წევრი დაიღუპა. ამის შესახებ უცხოური მედია წერს.

გამოცემის ცნობით, დაღუპულები – 2-დან 16 წლამდე ასაკის ხუთი ბავშვი, დედა, მისი ორსული ქალიშვილი და ქალიშვილის პარტნიორი არიან. ისინი ადგილზევე გარდაიცვალნენ.

ოჯახის ფურგონი ნახევრადმისაბმელიანი მანქანის შეჯახების შედეგად დაიწვა.

მაშველებმა ფურგონში მყოფი შვიდი ადამიანის გარდაცვალება დაადასტურეს. მერვე მსხვერპლი მოგვიანებით დადასტურდა.

გამოძიების შედეგად გამოვლინდა, რომ სატვირთო მანქანა ფურგონს „ძალიან ახლოს მიჰყვებოდა“.

შემთხვევის გამო სატვირთო მანქანის მძღოლი დააკავეს.