ქობულეთში, სოფელ გვარაში, ავტოსაგზაო შემთხვევის შედეგად 5 ბავშვი და 51 წლის ქალი დაშავდა.
„აჭარა თაიმსის“ ინფორმაციით, ერთმანეთს „მერსედესისა“ და „ჰიუნდაის“ მარკის ავტომობილები შეეჯახა.
შეჯახების შედეგად დაშავებული პირები სასწრაფო სამედიცინო დახმარების ჯგუფმა ქობულეთის სამედიცინო ცენტრში გადაიყვანა. დაშავებულებს მრავლობითი დაზიანებები აღენიშნებათ.
სააგენტოს ინფორმაციით, „მერსედესის“ მარკის ავტომობილის მძღოლი, რომელმაც შეჯახება მოახდინა, შემთხვევის ადგილიდან მიიმალა.
- კომენტარები
რეკომენდირებული

















