დღეს მსოფლიო ყურადღებით ადევნებს თვალს ირანში განვითარებულ მოვლენებს. შექმნილი ვითარების გამო ახლო აღმოსავლეთის საჰაერო სივრცის ნაწილი დროებით ჩაიკეტა, რის შედეგადაც არაერთი რეისი გადაიდო ან გაუქმდა.
შექმნილმა მდგომარეობამ პრობლემები შეუქმნა უცხოეთში მყოფ ქართველებსაც, რომლებიც სამშობლოში დაბრუნებას ვერ ახერხებდნენ. მათ შორის აღმოჩნდა თბილისის მერი, კახა კალაძე, რომელიც მეუღლესთან, შვილთან და მეგობრებთან ერთად დუბაიში ისვენებდა.
მომხდართან დაკავშირებით სოციალურ ქსელში განცხადება გაავრცელა მისმა მეუღლემ, ანუკი არეშიძე-მ:
„ჩემო ლამაზო მეგობრებო, მთელი გულით მადლობას გიხდით ყველას, ვინც მოგვიკითხა. თქვენი შეტყობინებები, ზარები და მზრუნველობა ჩემთვის ძალიან ბევრ რამეს ნიშნავს. ყველას გისურვებთ მშვიდობას და უსაფრთხოებას“, — წერს ანუკი არეშიძე.
საჰაერო მიმოსვლის აღდგენის შესახებ დამატებითი ინფორმაცია შესაბამისი უწყებების მიერ მოგვიანებით გახდება ცნობილი.
- კომენტარები
