ხობის მუნიციპალიტეტის სოფელ ჭალადიდში უბედური შემთხვევა მოხდა. მდინარე ცივში 50 წლამდე მამაკაცი დაიხრჩო.
ადგილობრივების ინფორმაციით, გარდაცვლილი აფხაზეთიდან დევნილი იყო. მას ოჯახის წევრები, მეზობლები და ახლობლები ორი დღის განმავლობაში ეძებდნენ. სამწუხაროდ, ძებნის ოპერაცია ტრაგიკული შედეგით დასრულდა.
შემთხვევის ადგილზე მობილიზებული იყო პოლიცია და სასწრაფო სამედიცინო დახმარების ბრიგადა.
ამ დროისთვის გარდაცვლილის ცხედარი ექსპერტიზაზეა გადასვენებული.
შინაგან საქმეთა სამინისტროს ინფორმაციით, მომხდარ ფაქტზე გამოძიება უკვე დაიწყო. საქმე აღძრულია სსსკ-ის 115-ე მუხლით, რაც თვითმკვლელობამდე მიყვანას გულისხმობს.
- კომენტარები
რეკომენდირებული
