რა ღირს კაბა, რომლითაც ნანუკა გუდავაძე კანიე უესტის კონცერტზე გამოჩნდა: Alaïa-ს გრძელი შავი კაბა და არაორდინალური ვარცხნილობა

ნანუკა გუდავაძე ფართო საზოგადოებამ მას შემდეგ გაიცნო, რაც ბერა ივანიშვილზე დაოჯახდა. წყვილი წლებია სოციალურ ქსელებში დიდი პოპულარობით სარგებლობს, საზოგადოება კი მათ ყოველთვის დიდი ინტერესით ადევნებს თვალს. 

ცოტა ხნის წინ ნანუკამ გამომწერებს ახალი კადრები გაუზიარა, სადაც ჩანს, რომ ის მეუღლესთან ერთად მსოფლიო ვარსკვლავის, კანიე უესტის  კონცერტს ესწრებოდა. სოციალურ ქსელში გამოქვეყნებულმა ვიდეოებმა და ფოტოებმა მალევე მიიპყრო თაყვანისმცემლების ყურადღება.

ნანუკა გუდავაძემ მსოფლიო ვარსკვლავის კონცერტისთვის არჩევანი Alaïa-ს შავ გრძელ კაბაზე შეაჩერა, რასაც არაორდინალური, თუმცა კონცერტის თემატიკისთვის დამახასიათებელი ვარცხნილობა შეუხამა. 

ნანუკა გუდავაძის კაბის ღირებულება, რომელიც ლეგენდარულ პარიზულ ლუქს კლასის მოდის სახლს ეკუთვნის, $3,699-ს შეადგენს. Alaïa 1964 წელს ტუნისელმა კუტურიემ, აზედინ ალაიამ დაარსა. ბრენდი, რომელიც სამართლიანად მიიჩნევა ქალის სხეულის ფორმების დიდოსტატად, ცნობილია თავისი სკულპტურული სილუეტებით, ტანზე გამოყვანილი ქსოვილებითა და ლაზერული ჭრილებით დამუშავებული ტყავის სამოსით. Alaïa მოდის ინდუსტრიის სტანდარტული, გადატვირთული განრიგის მიღმა მუშაობს და სეზონურ ტრენდებს ნამდვილ, დახვეწილ ხელნაკეთ ხელოვნებას ამჯობინებს.

ბერა ივანიშვილი და ნანუკა გუდავაძე 

ბერა ივანიშვილი უკვე რამდენიმე წელია ნანუკა გუდავაძეზეა დაქორწინებული. არსებული ინფორმაციით ნანუკას მამა და ბერას მამა დიდი ხნის მეგობრები არიან, სწორედ მამების ახლობლობის წყალობით გაიცნეს მათ ერთმანეთი.

ნანუკა გუდავაძე წარსულში მოდელად მუშაობდა, შემდეგ კი მოდის შესახებ ბლოგებს წერდა. ნა­ნუ­კა 14 წლის ასაკ­ში პირ­ვე­ლად გა­მოჩ­ნდა პო­დი­უმ­ზე, დი­ზა­ი­ნერ ბი­ჭო­ლას ჩვე­ნე­ბა­ზე. მას შემ­დეგ გო­გო­ნა მო­დის შე­სა­ხებ ბლო­გებს წერ­და და პე­რი­ო­დუ­ლად ჩვე­ნე­ბებ­ზეც გა­მო­დი­ო­და. აქ­ტი­უ­რობ­და ინ­სტაგ­რამ­ზეც.

ნა­ნუ­კა გუ­და­ვა­ძე ბე­რას­თან ქორ­წი­ნე­ბამ­დე სა­ქარ­თვე­ლოს მო­რაგ­ბე­თა ნაკ­რე­ბის კა­პიტ­ნის, მე­რაბ შა­რი­ქა­ძის შეყ­ვა­რე­ბუ­ლი იყო. წყვი­ლის და­შო­რე­ბის შემ­დეგ გო­გო­ნა მა­ლე­ვე და­ი­ნიშ­ნა ბერა ივა­ნიშ­ვილ­ზე. თუმ­ცა, ერთ-ერთ ინ­ტერ­ვი­უ­ში კა­პი­ტან­მა თქვა, რომ ბერა არ ყო­ფი­ლა მათი და­შო­რე­ბის მი­ზე­ზი. 

ახლა ძი­რი­თა­დად ტი­კტოკ­ზე ვი­დე­ო­ე­ბის გა­და­ღე­ბი­თა და შვი­ლების მოვ­ლით არის და­კა­ვე­ბუ­ლი. შე­გახ­სე­ნებთ, რომ მილიარდერმა მა­მამ­თილ­მა რამ­დე­ნი­მე ნანუკას სამ­შო­ბი­ა­როდ მინი სა­ა­ვად­მყო­ფო მო­უ­წყო. ივა­ნიშ­ვი­ლე­ბის ოჯახ­მა რძლის მშო­ბი­ა­რო­ბის­თვის სპე­ცი­ა­ლუ­რად უცხო­ე­თის წამ­ყვა­ნი ექი­მე­ბიც კი მო­იწ­ვი­ეს სა­ქარ­თვე­ლო­ში.

ბერა ივანიშვილმა და ნანუკა გუდავაძემ 2018 წელს იქორწინეს. მათ პირველი შვილი, ბერუკა ივანიშვილი, 2019 წლის, 29 ნოემბერს შეეძინათ. ცოტა ხნის წინ, 2023 წლის 20 მარტს კი, მეორე ვაჟის, დადუ ივანიშვილის მშობლები გახდნენ.

ბერა ივანიშვილი ფართო საზოგადოებამ მას შემდეგ გაიცნო, რაც მისი მამა, ბიზნესმენი და პოლიტიკოსი ბიძინა ივანიშვილი, აქტიურ პოლიტიკაში მოვიდა. სწორედ ამის შემდეგ გახდა ბერა, როგორც  მომღერალი, მუსიკოსი და კომპოზიტორი განსაკუთრებით პოპულარული, მისი სიმღერები კი - ცნობილი. 

მისმა პირველმა სინგლმა, Favorite Things, მსმენელებისგან მალევე დაიმსახურა მოწონება. ამის შემდეგ კინოთეატრ „რუსთაველში“ შედგა მისი მუსიკალური ვიდეოს - „ჰიპ-ჰოპ ვალსის“ პრემიერა. ვიდეო გადაღებულია ნიუ-იორკში ფრანგი რეჟისორის, რეი ქეის მიერ.

ბერას მომდევნო სინგლმა - Don't Worry, არანაკლები პოპულარობა მოუტანა მომღერალს. აქვს ჩაწერილი ამერიკელ რეპერ Lil PLayy-სთან, სიმღერაზე Summertime.

2015 წლის აგვისტოში ბერამ გამოუშვა ახალი მუსიკალური ვიდეო სიმღერაზე I Look Good on You. ამ ვიდეოს რეჟისორი იყო ამერიკელი ახალგაზრდა დამწყები რეჟისორი ნეშ გრიერი. ვიდეომ ერთ დღეში ნახევარ მილიონზე მეტი ნახვა დააგროვა. ოქტომბერში ბერამ გრიერი საქართველოში ჩამოიყვანა და გულშემატკივრებს შეახვედრა.