ტელეწამყვანი ნანუკა ჟორჟოლიანი სოციალურ ქსელში „ფორმულასთან“ დაკავშირებით მიმდინარე პროცესებს ეხმაურება და აცხადებს, რომ ტელეკომპანიის წინააღმდეგ განხორციელებული ქმედებები ორკესტრირებული შეტევის შთაბეჭდილებას ტოვებს.
მისი თქმით, „ფორმულას“ ირგვლივ ვითარების დროული გააზრება მნიშვნელოვანია, რადგან ეს მედიასაშუალების მომავალზე შეიძლება აისახოს.
“ქართული ოცნება ჯერ აკმაყოფილებს გოგა ხაინდრავას საჩივარს ფორმულას წინააღმდეგ და რამდენიმე დღეში, კოალიციის მთავარი ლიდერი თამარ ჩერგოლეიშვილი აკეთებს განცხადებას, რომ ფორმულამ ნახევარი მილიონი, შავი ფული აიღო 4 ოქტომბრის თემის აწევაში.
ვინმეს გეჩვენებათ რომ ფორმულაზე შეტევა ორკესტრირებული არაა?
ბაბლო, ასეთ დროს მართლა გგონიათ რომ შიმერია ამ ქვეყანაში პრობლემა? მართლა გგონიათ რომ ნაცების შიდაპარტიული თემები უფრო საინტერესოა? ან, მიშა რა სტატუსს დაწერს?
რატომ არ გმობთ, არაინფლუენსერი პოლიტიკოსის მავნებლობას? გეზარებათ გიჟთან ჭიდაობა? საკუთარი კომფორტის ზონიდან გამოსვლა არ გინდათ?
სად არიან კოალიციის სხვა ლიდერები? რატომ არ ემიჯნებიან ამ განცხდებას? რატომ არ გმობენ ოპოზიციურ მედიაზე ასეთ თავდასხმას?
ფორმულას თავზე ღრუბელს აგროვებენ და რაც უფრო მალე გავიაზრებთ ამას, მით მეტი შანსი იქნება მისი გადარჩენის” – წერს სოციალურ ქსელში ნანუკა ჟორჟოლიანი.
- კომენტარები
