უბედური შემთხვევა გუშინ, მიუნხენთან ახლოს მოხდა. როგორც "კვირის პალიტრასთან" საუბრისას მისი ოჯახის ახლობელი ამბობს, ახალგაზრდა ბიჭი ტბაზე მეგობრებთან ერთად, დაბადების დღის აღსანიშნავად დაბადების დღის წინა დღეს წავიდა. ის დღეს 24 წლის გახდებოდა
"შტანბერგი არის მიუნხენთან ახლოს, საკურორტო ქალაქია, სადაც უზომოდ დიდი ტბა არის, ზღვასავით ტბა, სწორედ იქ დატრიალდა ეს უბედურება. [...] ამბობენ, რომ ძალიან მაღალი ტემპერატურა იყო, ძალიან ცხელოდა, 40 გრადუსამდე ყოფილა ტემპერატურა გუშინ, ეს წყალი არის ყინულივით ცივი, ბესო და მისი მეგობარი შესულან ნავით ტბაში და გადახტნენ ბიჭები წყალში ნავიდან, ასე ხტებოდნენ, მერე გაცურავდნენ და ისევ ბრუნდებოდნენ ნავში, ასე ერთობიან ახალგაზრდები, ვინც კარგი ცურვა იცის, თან სპორტსმენები იყვნენ ორივე. მეგობარიც და თვითონ, ერთ-ერთი გადახტომის შემდეგ ბესო უკან ვეღარ ამოვიდა, ვარაუდია, რომ რაღაც სისხლძარღვების შევიწროება მოხდა, ან რაღაც სხვა მოხდა, ზუსტად რა მოხდა, არ ვიცით. მისი მეგობარი იძახის, გადამხტარი არ იყო, რომ უკვე დავინახე დახრჩობა დაეწყოო, გადახტა ის მეგობარიც, რომ მიშველებოდა, როგორმე გადაერჩინა, მაგრამ სამწუხაროდ ვერ შეძლო მისი გადარჩენა. [...] ბესოს დაბადების დღის წინა დღეს დაგეგმეს, რომ ასე ერთად ტბაზე გაესეირნათ და ასე ფატალურად დამთავრდა ეს ყველაფერი..." | ამბობს მანანა ვეფხოშვილი "კვირის პალიტრასთან"
- კომენტარები
რეკომენდირებული
