"ის ბიჭი ფატიმაზე ძალადობდა და სიგარეტის ნამწვავს გოგოს მკლავზე აქრობდა..." - სამირა ბაირამოვა აზერბაიჯანელი ახალგაზრდა გოგოს მკვლელობის საქმეზე ახალ ინფორმაციას ავრცელებს

თბილისში აზერბაიჯანელი ახალგაზრდა გოგოს მკვლელობის საქმეზე, უფ­ლე­ბა­დამ­ცვე­ლი სა­მი­რა ბა­ი­რა­მო­ვა ახალ ინფორმაციას ავრცელებს:

"აი მედიის ძალა, თბილისში მოკლული ფატიმა ქერიმოვას საქმეზე აზერბაიჯანის პროკრატურამაც აქტიურობას დაიწყო. ასევე დაისჯება ის ბიჭი ვისთან ერთად ჩამოვიდა საქართველოში, აქ ყოფნის დროს. ის ბიჭი ფატიმაზე ძალადობდა და სიგარეტის ნამწვავს გოგოს მკლავზე აქრობდა. სურათზეა ის მოძალადე.შემთხვევის საზოგადოებრივი მნიშვნელობის, ასევე დაზარალებულის, როგორც აზერბაიჯანის რესპუბლიკის მოქალაქის სტატუსის გათვალისწინებით, აზერბაიჯანის რესპუბლიკის გენერალურმა პროკურატურამ ოფიციალური მიმართვა გაუგზავნა საქართველოს პროკურატურას.

მიმართვაში აღნიშნულია, რომ აუცილებელია სისხლის სამართლის საქმის სრული, ყოვლისმომცველი და ობიექტური გამოძიება, ყველა გარემოების კანონმდებლობის მოთხოვნების შესაბამისად დადგენა, ხოლო საჭიროების შემთხვევაში, საერთაშორისო სამართლებრივი თანამშრომლობის ფარგლებში, გამოძიებისთვის სრულყოფილი სამართლებრივი დახმარებისა და სხვა აუცილებელი მხარდაჭერის გაწევის მზადყოფნა.აზერბაიჯანის რესპუბლიკის გენერალური პროკურატურა კიდევ ერთხელ აცხადებს, რომ პრინციპულ პოზიციას იკავებს აზერბაიჯანის მოქალაქეების სიცოცხლისა და ჯანმრთელობის, აგრეთვე კანონით დაცული სხვა უფლებებისა და კანონიერი ინტერესების წინააღმდეგ ჩადენილი დანაშაულების მიმართ. მიუხედავად იმისა, მოხდა თუ არა ასეთი დანაშაული ქვეყნის ფარგლებს გარეთ, პროკურატურა მუდმივად განსაკუთრებულ ყურადღებას უთმობს მათი უფლებებისა და კანონიერი ინტერესების დაცვას.ამ მიზნით, უცხო სახელმწიფოების უფლებამოსილ ორგანოებთან საერთაშორისო სამართლებრივი თანამშრომლობის ფარგლებში ურთიერთსამართლებრივი დახმარების გაწევა, ასევე დანაშაულების სრული და ობიექტური გამოძიების ხელშეწყობისკენ მიმართული აუცილებელი ღონისძიებების განხორციელება მომავალშიც თანმიმდევრულად გაგრძელდება," - წერს სამირა ბაირამოვა.

ცნობისთვის, თბილისში აზერბაიჯანელი ახალგაზრდა გოგო მოკლეს. ამის შესახებ ინფორმაცია დღეს უფლებადამცველმა, ბაია პატარაიამ გაავრცელა.

"2026 წლის 26 ივნისს, საქართველოში, ქალაქ თბილისში, ნაქირავებ ბინაში იპოვეს ჩვენი დის, 2005 წელს დაბადებული ფატიმა კერიმოვას ცხედარი. წინასწარი მონაცემებით, გოგონა თბილისში თავის მეგობარ ბიჭთან ერთად წავიდა. ისინი იქ ცხოვრებასა და მუშაობას გეგმავდნენ.

გოგონას ახლობლები მათი ურთიერთობის წინააღმდეგნი იყვნენ და ანგარიშსწორებით ემუქრებოდნენ. როდესაც ფული გამოელიათ, მისმა მეგობარმა ბიჭმა ის ქუჩაში მარტო დატოვა. ქუჩაში ფატიმამ ერთი გოგონა გაიცნო. ფატიმა ქუჩაში დარჩა დახეული საბუთებით, მობილურისა და ფულის გარეშე.

გოგონამ დახმარება შესთავაზა და ჰკითხა, ახლობლებიდან ვინ შეძლებდა ჩამოსვლას და მის წაყვანას. ფატიმამ თავისი ბიძაშვილის ტელეფონის ნომერი მისცა. ბიძაშვილი ჩამოვიდა და ფატიმა წაიყვანა, თუმცა, როგორც მოგვიანებით გაირკვა, მისი განზრახვა

სრულიად სხვა იყო...მან ფატიმა ორი კვირის განმავლობაში თბილისში, ბინაში ჰყავდა გამოკეტილი და სასტიკად სცემდა, შემდეგ კი დაახრჩო.ეჭვმიტანილმა ფატიმას ცხედარი დატოვა და შემთხვევის ადგილიდან მიიმალა.მიმდინარეობს გამოძიება.გოგონა სრული ობოლი იყო - ორივე მშობელი გარდაცვლილი ჰყავდა. მას 19 წლის უმცროსი და დარჩა.გთხოვთ, მაქსიმალურად გაახმაუროთ ეს ამბავი! საჭიროა მედიის,

ფემინისტების, იურისტებისა და ბლოგერების ჩართვა!" - წერს სოციალურ ქსელში თბილისში მოკლული აზერბაიჯანელი გოგონას ახლობელი. დღეს უფლებადამცველმა ბაია პატარაიამ გაავრცელა ინფორმაცია, რომ თბილისში აზერბაიჯანელი ახალგაზრდა გოგო მოკლეს.