"ვუყურებდი ვიდეოს, ასე ცოტანი იყავით... ასე გვეშინია? რისი ხალხო?!" - ავტოსაგზაო შემთხვევის შედეგად დაღუპული დედა-შვილის ნათესავი მიმართვას ავრცელებს

"ჩემი ანა 12 წელი უცხოეთში ცხოვრობდა, გადასასვლელის ნიშნის გარეშე არ გადადიოდა არასოდეს! უაღრესად პასუხისმგებლიანი იყო" - ამის შესახებგორში ავტოსაგზაო შემთხვევის შედეგად დაღუპული ანი ბე­რი­ა­ნი­ძის ბიძაშვილი ირმა ამბარდნიშვილი სოციალურ ქსელში წერს.

მისივე ცნობით, დამნაშავე, რომელიც საჭეს მართავდა, პოლიციაში მიყვანის დროს არაფხიზელ მდგომარეობის გამო ფეხზე ვერ დგებოდა.

ირმა ამბარდნიშვილის თქმით, გამოძიება "სატრანსპორტო წესების დარღვევის" მუხლის ნაცვლად. განზრახ მკვლელობის მუხლით უნდა აღიძრას.

"მადლობა მეგობრებო, გოგა აფციაური, ნათია ომაძე, ეთერ ჯალაღონია... არ მინდა, ვინმე გამომრჩეთ, ყველას გიხდით მადლობას თანადგომისთვის, სანთლებისთვის და ყვავილებისთვის... ჩემი ანა და მართა პირველები არ არიან, ვინც გარეწარი ადამიანის მსხვერპლნი გახდნენ. ბოლო მაინც იყვნენ!

ვუყურებდი ვიდეოს, ასე ცოტანი იყავით... ასე გვეშინია? რისი ხალხო?! მთვრალმა მძღოლმა არც პოზიცია და არც ოპოზიცია იცის, ვის გადაუვლის ზედ!

ჩემი ანა 12 წელი უცხოეთში ცხოვრობდა, გადასასვლელის ნიშნის გარეშე არ გადადიოდა არასოდეს! უაღრესად პასუხისმგებლიანი იყო!

"სატრანსპორტო წესების დარღვევის" მუხლით რომ აღძარით საქმე შსს გგონიათ, შევარჩენთ? 109-ე მუხლით უნდა დაიწყოს ძიება ! ორი უდანაშაულო ადამიანი მოკლა! დიახ, განზრახ მოკლა! თან ნარკოტიკი რომ მოიხმარა და თან ფეხზე ვერ დგებოდა, პოლიციაში რომ მიათრიეს ეგ გარეწარი! 16 წუთში 3 ჯარიმა რომ დაეწერა, პატრულმა რატომ არ დააკავა? მაშინაც ხომ საავარიო სიტუაციას ქმნიდა "ლუკოილიდან" ნატახტრის გადასახვევამდე 16 წუთში რომ ჩავიდა, სად იყო პატრული?

სად იყო პატრული გორში ასეთი სისწრაფით რომ მოძრაობდა ქალაქში? როგორ შევიდა ქუჩაზე და ვინ დაგეგმა ქალაქის ნახევარი ქუჩა რომ დაკეტეთ და ნახევარი არა? ახალბაღის რეაბილიტაცია მილიონები დაჯდა, იქ რატომ არ იმართება ღონისძიებები? გასასხვისებლად ამზადებთ?

რატომ არ იცვლება კანონები? რამდენი ოჯახი უნდა დაღუპონ დაბოლილმა და მთვრალმა გარეწრებმა?! ხომ ხედავთ ჯარიმა არა მოქმედებს! არც მართვის მოწმობის ჩამორთმევა! ციხეში უნდა წავიდნენ, ციხეში! გინდ გადატენილი ავტომატით უვლია ადამიანს და გინდ მთვრალი დამჯდარა, არის განსხვავება რამე?

"უი, საწყალი ორი ჭიქა ჰქონდა დალეული, ნანობს" - მე ეს არ მიშველის! არც ჩემს დაჩენჩხილ ანას და მართას უშველის! არც იმ ხუთიათას გარდაცვლილს არ უშველის და მათ ოჯახებს! ვინც ჩემსავით გამწარებული ტირის!

ვაიმე, ხალხო, ორ ჩასასვენებელს დავტირი, ორს!

პატრულის ყველა თანამშრომელმა პასუხი უნდა აგოს, ვინც დაინახა და არ გააჩერა ეს გარეწარი! ხალხო, გააჩერეთ ასეთი მძღოლები ! დარეკეთ პოლიციაში ! კიდევ ვის ოჯახს გაამწარებენ ეს ნაგვები! შეცვალეთ კანონი! ამოხოცეს ნახევარი საქართველო!" - წერს ირმა ამბარდნიშვილი.

ცნო­ბის­თვის, 13 ივლისს, გო­რის ცენ­ტრში, ჭავ­ჭა­ვა­ძის ქუ­ჩა­ზე "ჯი­პის” ტი­პის ავ­ტო­მან­ქა­ნა ქვე­ითად მოსიარულე დედა-შვილს და­ე­ჯა­ხა.ახალ­გაზ­რდა ქალი კლი­ნი­კა­ში გარ­და­იც­ვა­ლა. რაც შე­ე­ხე­ბა მცი­რე­წლო­ვან ბავ­შვს, მისი ჯან­მრთე­ლო­ბის მდგო­მა­რე­ო­ბა მძი­მე იყო და ის თბი­ლის­ში გად­მო­იყ­ვა­ნეს, თუმ­ცა მისი გა­დარ­ჩე­ნა ვერ მო­ხერ­ხდა.

შსს-ის ცნო­ბით, მომ­ხდარ­ზე გა­მო­ძი­ე­ბა სსკ-ის 276-ე მუხ­ლით და­ი­წყო, რაც ტრან­სპორ­ტის მოძ­რა­ო­ბის უსაფრ­თხო­ე­ბის ან ექ­სპლუ­ა­ტა­ცი­ის წე­სის დარ­ღვე­ვას გუ­ლის­ხმობს. და­კა­ვე­ბუ­ლია ავა­რი­ა­ში მო­ნა­წი­ლე მძღო­ლი.