"კახეთის ინციდენტში მონაწილე რუსმა ქალმა საქართველო დატოვა," - ამის შესახებ რუსული პროპაგანდისტული გამოცემა TACC მის ადვოკატზე დაყრდნობით წერს:
„დიახ, მან საქართველო უკვე დატოვა. პრინციპში, გამოძიებას მისთვის ქვეყნის ფარგლების დატოვება არც აუკრძალავს, უბრალოდ, საქმის გამოძიების ეტაპზე იგი გარკვეული დროის განმავლობაში საქართველოში იმყოფებოდა“ - უთხრა მათ ლალი აფციაურმა
ინციდენტი თელავში, სასტუმრო Agarani Estate-ში დაახლოებით 2 კვირის წინ მოხდა. გავრცელებული ინფორმაციით, ქორწილის სტუმრებს რუსულენოვანმა ქალებმა ნომრის აივნიდან შეურაცხყოფა მიაყენეს და სხვადასხვა სახის სითხე გადაასხეს, რის შემდეგაც მათთან ნომერში ქორწილის მონაწილე დასალაპარაკებლად ავიდა, რასაც ფიზიკური დაპირისპირება მოჰყვა. მოგვიანებით, უცხოეთის მოქალაქეებმა ვიდეო სოციალურ ქსელში გაავრცელეს, ისინი ამტკიცებენ, რომ ქართველი კაცი თავს რუსულ ენაზე საუბრის გამო დაესხა.
თელავში მომხდარი ინციდენტის გამო სამართალდამცავებმა გიორგი ჭიღლაძე დააკავეს. გამოძიება მის წინააღმდეგ სისხლის სამართლის კოდექსის 120-ე მუხლით დაიწყო, რაც ჯანმრთელობის განზრახ მსუბუქი დაზიანებას გულისხმობს. აღნიშნული ქმედება 3-წლამდე ვადით თავისუფლების აღკვეთას ითვალისწინებს. ჭიღლაძე 5 000-ლარიანი გირაოს სანაცვლოდ გაათავისუფლეს.
- კომენტარები
