33 წლის ბრაზილიელი ინფლუენსერი მარტა კელი პლასტიკური ოპერაციის შემდეგ გართულებების შედეგად გარდაიცვალა. მისმა მეუღლემ, ბლოგერმა მარკუს ვინიციუსმა, მისი გარდაცვალების შესახებ სოციალურ ქსელში განაცხადა.
„დეილი მეილის“ ცნობით, 12 აგვისტოს მარტას ჩაუტარდა „სამი ერთში“ პროცედურა, რომელიც მოიცავდა ლიპოსაქციას, მკერდის იმპლანტებს და აბდომინოპლასტიკას. მეორე დღეს საავადმყოფოდან გაწერეს, თუმცა ორი დღის შემდეგ კელიმ ჯანმრთელობის მდგომარეობის მკვეთრი გაუარესების გამო კვლავ მიმართა ექიმს. ბლოგერი სასწრაფოდ საავადმყოფოში გადაიყვანეს, თუმცა 17 აგვისტოს რეანიმაციულ განყოფილებაში გარდაიცვალა.
მარკუსმა, რომელთანაც მართამ სამ პატარა ვაჟს ზრდიდა, დაწერა: „არა მგონია, სიტყვებით გამოვხატო ის ტკივილი, რასაც ახლა განვიცდი. ჩვენ 15 წელი ვიყავით ერთად. მართა ჩემი ცხოვრების სიყვარული იყო. ჩემი საუკეთესო მეგობარი, ჩემი თანამგზავრი, საუკეთესო ცოლი და ჩვენი შვილებისთვის წარმოუდგენელი დედა. ტიეოს, რავის და ფილიპოს ძალიან გაუმართლათ, რომ ასეთი დედა ჰყავდათ. ახლა ვიწყებ ჩემი ცხოვრების ყველაზე რთულ მისიას - გავაგრძელო ცხოვრება და გავზარდო ჩვენი სამი ბიჭი ისე, როგორც მას სურდა. ყველაფერს გავაკეთებ, რომ მათ ყოველთვის იცოდნენ, ვინ იყო მათი დედა, რამდენად უყვარდა ისინი და რომ ის სამუდამოდ იქნება მათი ცხოვრების ყოველი წამის ნაწილი“.
მართა კელის სოციალურ მედიაში 500 000-ზე მეტი გამომწერი ჰყავდა. წერდა მოდის, დედობისა და ყოველდღიური ცხოვრების შესახებ.
