ბოლო ორი დღეა საბერძეთი ხანძრების კოშმარშია, მეხანძრე-მაშველები განუწყვეტლად მუშაობენ, რათა ცეცხლი შეაკავონ, მაგრამ ისინიც ხომ ჩვეულებრივი ადამიანები არიან და ნელ-ნელა კარგავენ ძალასა და ენერგიას, შემცვლელი კი, ცოტა ჰყავთ. ეს ადამიანები არიან თანამედროვე გმირები, რომლებიც მიუხედავად იმისა, რომ ძალა აღარ აქვთ, სახლში არ მიდიან, არამედ იქვე, ხანძართან არც თუ ისე შორს იძინებენ, რათა ენერგია მოიკრიბონ.
კუნძულ ხიოსიდან სულისშემძვრელი კადრები ვრცელდება – მეხანძრეებმა გადაწყვიტეს, რომ დასასვენებლად ასფალტზე დაეძინათ, რათა ძალები მოეკრიბათ, რამდენიმე საათში მუშაობის ისევ გასაგრძელებლად.
როგორც მეხანძრეთა ასოციაციის პრეზიდენტი აცხადებს, ეს ადამიანები მუშაობენ განუწყვეტლივ, ხანდახან მათი სამუშაო საათები სცდება 24 საათსაც კი, სამწუხაროდ, მსგავსი კადრები საბერძნეთში უკვე ჩვეულებრივ მოვლენად იქცა.
- კომენტარები
რეკომენდირებული
