ქმრის მკვლელობის ბრალდებით დაკავებულ 25 წლის თეკლა გერასამიას აღკვეთის ღონისძიების სახით პატიმრობა შეეფარდა

გადაწყვეტილება მოსამართლე არსენ კალატოზიშვილმა მიიღო. წინასწარ პატიმრობას პროკურატურა ითხოვდა, თავად დაცვის მხარე კი გერასამიას 30 000-ლარიანი გირაოს სანაცვლოდ გათავისუფლებას ითხოვდა.

 ბრალდებული ბრალს არ აღიარებს.

 შსს-მ რამდენიმე დღის წინ გაავრცელა ინფორმაცია, რომ 22 აგვისტოს ცოლმა ქმარი ცივი იარაღით მოკლა. უწყების ინფორმაციით, დაკავებულმა მეუღლეს დაზიანებები ურთიერთშელაპარაკების ნიადაგზე მიაყენა, რის შედეგადაც დაზარალებული გარდაიცვალა. მომხდართან დაკავშირებით გამოძიება სსკ-ის 109-ე მუხლის კ ქვეპუნქტით მიმდინარეობს, რაც ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს.