VIDEO: რას წერდა ახალი კადრების გამოქვეყნებამდე, 15 წლის მოზარდზე ძალადობაში ბრალდებული ხატია ვიბლიანი? -"მე, თითქმის, არსად აღარ დავდივარ, ბავშვი ჩუმად დამყავს ბაღში..."

მკლავ­ჭი­დე­ლი ხა­ტია ვიბ­ლი­ა­ნის საქ­მე, რო­მე­ლიც 15 წლის არას­რულ­წლოვ­ნის მი­მართ გან­ხორ­ცი­ე­ლე­ბულ ძა­ლა­დო­ბას ეხე­ბა ისევ აქ­ტუ­ა­ლუ­რი გახ­და - უფლებადამცველმა, თათია მაისურაძემ სოციალურ ქსელში მაღაზიის შიდა კადრები გაავრცელა.

რამდენიმე დრის წინ ხა­ტია ვიბ­ლი­ა­ნმა დაწერა, რომ თავს და­უც­ვე­ლად და სა­ზო­გა­დო­ე­ბის აგ­რე­სი­ის სა­მიზ­ნედ გრძნობს. ის ასე­ვე წერს, რომ სო­ცი­ა­ლურ ქსე­ლებ­ში გავ­რცე­ლე­ბუ­ლი ვი­დე­ო­კად­რე­ბით საფრ­თხე შე­ექ­მნა მის შვილ­საც.

"ეს გინდოდათ ალბათ! თავს ძალიან დაუცველად და საფრთხის ქვეშ ვგრძნობთ მე და ჩემი მცირეწლოვანი შვილი! შემომდის ენ რაოდენობით მუქარა, სიცოცხლის მოსპობით...

რაც ყველაზე დასაფიქრებელი და შემზარავია, მუქარა არა მხოლოდ ჩემზე, არამედ ჩემს შვილზეც მოდის, მცირეწლოვან ბავშვზე... ვერც დავწერ რა სახით და სიტყვებით იმუქრებიან, ეს იმდენად შემზარავია, უბრალოდ გაოცებული ვარ...

ძალიან გაბრაზებული ვარ სოც. მედიაზე, მაშინ როცა კადრებს ავრცელებთ ბავშვის სახეს არ ფარავთ, საფრთხის წინაშე დააყენეთ ჩემი შვილი. ესეც კანონდარღვევაა, ამას არ გაგიტარებთ, აუცილებლად მოგთხოვთ პასუხს ამაზე!!! ასევე პასუხს მოგთხოვთ ცრუ ინფორმაციების გავრცელებისთვის, რასაც ჩემზე და ჩემს შვილებზე წერთ.

მე, თითქმის, არსად აღარ დავდივარ, ბავშვი ჩუმად დამყავს ბაღში, არ ვიცით ხვალ როგორი დღე გათენდება ან დაღამდება... კითხვა - თქვენ რანაირი ადამიანები ხართ? რანაირი მშობლები ხართ? თავს ვგრძნობ ისე,თითქოს აქ მხოლოდ მე ვარ ცოდვილი ადამიანი და დანარჩენები ყველა წმინდანები ხართ.. .მაშინ მე მომიტევეთ...რადგან ამ ეტაპზე არ მაქვს უფლება ვისაუბრო იმ ფაქტზე, რაც მოხდა და ამდენს მიწერთ რატომ არაფერს ამბობო, არ ნიშნავს, რომ ისე იყო ყველაფერი, როგორც თქვენ ლაპარაკობთ და გგონიათ...!!! აუცილებლად თავის დროს ვისაუბრებ ყველაფერზე და ზუსტად ვიცი, რომ ბევრი ადამიანი წაიღებს თავის სიტყვებს უკან.

არ ვემხრობი არანაირ ძალადობას, პირიქით...! სინანულიც დიდი გამაჩნია, და კი, ვაღიარებ დავარღვიე კანონი. დიახ, კანონი დავარღვიე, მაგრამ მაგასაც თავისი მიზეზი ხომ აქვს. თქვენ შეიძლება უარესი გექნათ, და აგერ რო ვხედავ როგორი საშიშები და აგრესიულები ხართ ზუსტად ვიცი, უარესს რომ იზამდით, რაც მე კიდევ კარგი არ გავაკეთე. ჯობდა, ეგეც არ მომხდარიყო და ჯობდა საერთოდ ის არ მომხდარიყო, რაც მაგ მარკეტში მოხდა... ის ზუსტად ვიცი, რომ მე ჩემს შვილს არ გავზრდი ისეთ ადამიანად რომ ადამიანებს შეურაცხყოფა მიაყენოს, ეუზრდელოს, და სხვების ღირსებებს ცუდად შეეხოს.! ეცოდინება უფროსი და უმცროსი, სუბორდინაცია, უფროსის პატივისცემა, ადამიანების პატივისცემა და სიყვარული" - დაწერა ხატია ვიბლიანმა.