როგორ ეხმაურება მაია დარსმელიძე თეა დარჩიას გარშემო ატეხილ სკანდალს?

"რა ვქნააა, ძალიან მეცინება, დარჩიას თავის მოსწავლეებთან “საუბრის მანერას და სწავლების მეთოდს” რომ უწუნებთ თქვენ, ქოცი მოძალადე მასწავლებლების ხელჩართული ძალადობის მუდმივო გამპრავებელო ქოცუშკებო

თეას საუბარი კი არა - პროტესტში ჩართულობა ხომ არ გაღიზიანებთ?მისი “მეთოდი” კი არა - საქმეში უბადლო პირველობა და სუპერპროფესიონალიზმი ხომ არ გაღიზიანებთ? გადახედეთ თქვენს ქოც ხარახურას და წარმოიდგინეთ, თეასნაირი რომ გყოლოდათ, როგორ შეეტენებოდით?" - წერს მაია დარსმელიძე სოციალურ ქსელში.

ცნობისთვის, ქორეოგრაფი თეა დარჩია კრიტიკის ქარცეცხლში მოექცა. კერძოდ კი სოციალურ ქსელში, მისი სტუდიის - Tedasi Studio გვერდზე გამოქვეყნებულ რეპეტიციის ვიდეოებს საზოგადოების ნაწილის მხრიდან უარყოფითი გამოხმაურება მოჰყვა, თუმცა სტუდიის გვერდზე მალევე გამოჩნდა მშობლების მხარდამჭერი პოსტები და ვიდეობიც.

მის გარშემო ატეხილ აჟიოტაჟს თავად თეა დარჩიაც გამოეხმაურა.

"მადლობა ტკბილო ქართველებო, ადამიანებო, მეგობრებო, მშობლებო, ბავშვებო… თქვენმა სიყვარულმა მე, გულის გახეთქვას გადამარჩინა… ვერ წარმოიდგენთ რამხელა შვება, გადარჩენა და სიცოცხლის ძალა ხართ თქვენ ჩემთვის. მადლობა გვერდში დგომისთვის და უპირობო სიყვარულისთვის. ღმერთს მადლობა, რომ ასეთები მყავხართ… თქვენ, რომ არა, მე მოვკვდებოდი," - წერს თეა დარჩიას ცეკვის სახელოსნო.